კორონა-ვირუსით გამოწვეული გრძელვადიანი შედეგების შესახებ ჯერ კიდევ ბევრი რამ ცნობილი არ არის, თუმცა უკვე ცნობილია, რომ იმ ჩივილების ჩამონათვალი, რაც კოვიდ-ინფექცია გადატანილ პაციენტებს ხანგრძლივი პერიოდის განმავლობაში აწუხებთ, საკმაოდ დიდია.
უკვე ბევრი რამ ითქვა საერთო სისუსტის, გულ-სისხლძარღვთა და ნეოროლოგიური სახის დაავადებების შესახებ. მეცნიერები ვარაუდობენ, რომ დროთა განმავლობაში ამ ჩამონათვალს შესაძლია სხვა სახის ჩივილებიც დაემატოს.
მაგალითად ერექციული დისფუნქცია. ამ დასკვნამდე მივიდნენ იტალიელი მეცნიერები. მიზეზი, მათი აზრით, შეიძლება იყოს სწორედ ის, რომ Covid-19 გავლენას ახდენს სისხლ-ძარღვებზე. დაავადებით მიღებულ ფსიქოლოგიურ სტრესს ასევე შეუძლია გაზარდოს ერექციული დისფუნქციის რისკი. რამდენად ხშირია ერექციული დისფუნქცია, როგორც Covid-19 დაავადებით გამოწვეული გრძელვადიანი შედეგი და რა ვითარებაში ვლინდება იგი ჯერჯერობით სრულად გამოკვლეული არ არის.
იტალიელი მეცნიერების კვლევის შესახებ არაერთი უცხოური მედიასაშუალება და ექსპერტი წერს.
