მარტყოფში, საზოგადოებრვი ცენტრის შენობაში აფეთქება მოხდა. დაზიანებულია შენობის მინები და ტექნიკა. შემთხვევა ღამით მოხდა. სავარაუდოდ ააფეთქეს ბანკომატი თანხის გატანის მიზნით.
ადგილზე საპატრულო პოლიციის თანამშრომლები და ექსპერტ-კრიმინალისტები არიან მობილიზებული. შემთხვევის შედეგად არავინ დაშავებულა.
გამოძიება სსკ-ის 187 მუხლით მიმდინარეობს, რაც სხვისი ნივთის დაზიანებას/განადგურებას გულისხმობს.
მომხდარის შესახებ დამატებითი დეტალები ჯერჯერობით უცნობია.
