პატრიოტთა ალიანსის ერთ-ერთი ლიდერი, ემზარ კვიციანი პარტიას და ფრაქციას ტოვებს. მისი თქმით, ამის მიზეზი ის არის, რომ არ უნდა, თავისი სარისკო ქმედებებით ძვირფას ადამიანებს ზიანი მიაყენოს.
კვიციანი სოციალურ ქსელში წერს, რომ უნდა გაამძაფროს ბრძოლა ქართველობის შესანარჩუნებლად.
:ჩემო ძვირფასო პატრიოტებო! გადავწყვიტე დავტოვო პატრიოტთა ალიანსი! ეს არ ნიშნავს,რომ მე რაიმე განაწყენებული მივდივარ,უბრალოდ არ მინდა ჩემი გეჟური გადაწყვეტილებებით ვავნო ჩემს მეგობრებს პატრიოტთა ალიანსის წევრებს! 4 თვე დამრჩა პარლამენტარობა და მაქსიმალურად მინდა დავიხარჯო! არ მინდა ჩემი სარისკო ქმედებით ზიანი მივაყენო ჩემთვის ძვირფას ადამიანებს! მივდივარ პარტიიდან და მივდივარ ფრაქციიდანაც!
მინდა ჩემს მეგობრებს ვუსურვო წარმატება, პოლიტიკურ და პირად ცხოვრებაში! უფალი გწყალობდეთ და გფარვიდეთ! ძალიან ვწუხვარ, მაგრამ მე უნდა გავამძაფრო ბრძოლა ჩვენი ქვეყნის და ქართველობის შესანარჩუნებლად! ქართველთა გადასარჩენად თავგანწირვის გზაზე მინდა დავადგე, ვინც გამომყვება ღმერთმა დაგლოცოთ, ვინც არა – თქვენც დალოცვილი მეყოლეთ! აღმოჩნდა,რომ მე სხვა გზა მაქვს, უფრო უტვინო, მაგრამ ჩემი! უფალმა მიმყოფოს ყველა პატრიოტი პატრიოტულად!დიდება ღმერთს!!!”,- აცხადებს ემზარ კვიციანი.
