“მთავარ არხზე” ახალი სერიალი იწყება. “დიდი ოჯახი” იუმორისტული სერიალია, რომელიც ტრადიცილური სიტკომის წესების დაცვით იქნება გადაღებული, რაც იმას ნიშნავს, რომ სერიალს თან ახლავს მაყურებლის გულწრფელი ემოციები და სიცილი. მოქმედება ერთ დიდ ოჯახში ვითარდება.
სერიალში ერთ დროს პოპულარულ სერიალ, “შუა ქალაქში“ მთავარი როლების შემსრულებლებმა მოიყარეს თავი: სერიალში იხილავთ თათული ედიშერაშვილს, თამუნა ნიკოლაძეს, ბაჩო ქაჯაიას, გოგა ბარბაქაძეს.
სერიალის გადაღების იდეა ვანო ჯავახიშვილს და მის გუნდს გაუჩნდა. მცირე დროში შეძლეს ახალი სცენარისტების ჯგუფის შეკრება და მოიწვიეს ამ ჟანრში გამოცდილი რეჟისორი, გოჩა კოლხელაური და სერიალის წარმატების საწინდარიც მაშინვე გაჩნდა.
სერიალი “მთავარ არხზე“ პარასკევს დაიწყება. ქართული კომედიური სერიალის პირველი ორი სერია უკვე გადაღებულია . ის ეთერში ყოველ პარასკევს და შაბათს, 23 საათზე გავა.
