ნაციონალურ მოძრაობაში პოლიტსაბჭოს სხდომა დასრულდა. ლევან ხაბეიშვილი მხარდამჭერებს საყოველთაო მობილიზაციისკენ და აქციაში მონაწილეობისკენ მოუწოდებს, რომელსაც პარტია უახლოეს დღეებში ჩაატარებს.
“ჩვენ გულშემატკივრებს მინდა მოვუწოდო საყოველთაო მობილიზაციისკენ და ამაზე პარტიას მიღებული აქვს გადაწყვეტილება. უახლოეს დღეებში მთელი საქართველოს მასშტაბით დავიწყებთ დაორგანიზებას იმისთვის, რომ ჩვენი ხმა გავაგონოთ მთელ ცივილიზებულ სამყაროს, რომ ჩვენ არ ვეგუებით მონობას და არ ვეგუებით პატიმრობას. სააკაშვილის დაკავების აქტი პოლიტიკურ გადაწყვეტილებებს უკავშირდება. აქციის სლოგანი იქნება – თავისუფლება მესამე პრეზიდენტს, მიშას”,- ამბობს ხაბეიშვილი TV პირველის ეთერში.
მისივე ინფორმაციით, აქცია თბილისში, რუსთაველის გამზირზე ჩატარდება.
