საქართველოს მოქალაქეები მიმართავენ მთავრობას პეტიციით მიმართავენ და მოითხოვენ, სააღდგო ლიტურგიაზე დამსწრე მრევლი ორკვირიან კარანტინში გადაიყვანონ, რადგან ლიტურგია არაერთ რისკთან არის დაკავშირებული.
“საქართველოს მთავრობას!
გთხოვთ უზრუნველყოთ საქართველოს მოქალაქეების უსაფრთხოება ახალი კორონა-ვირუსის გავრცელებასთან დაკავშირებით.
გამომდინარე იქიდან, რომ საქრთველოს მოსახლეობის ნაწილი არ ექვემდებარება საგანგებო მდგომარეობით დადგენილ წესებს და კომენდანტის საათის მიუხედავად დაგეგმილია სააღდგომო ლიტურგიის ჩატარება, რაც არაერთ რისკთან არის დაკავშირებული, მოვითხოვთ, აღდგომის ღამეს, ყველა ეკლესიასთან დააყენოთ პატრული და საზეიმო წირვის შემდეგ მრევლი გადაიყვანოთ ორკვირიან კარანტინში, ისე, როგორც ამას აკეთებდით სხვა სახიფათო და სარისკო სიტუაციებში,”- წერია პეტიციის ტექსტში, რომლის ავტორი მოქალაქე მაია ცირამუაა.
პეტიციას ამ დროისთვის 1600-მდე ადამიანმა მოაწერა ხელი.
შეგახსენებთ, რომ 15 აპრილს საპატრიარქო და მთავრობა შეთანხმდნენ, რომ საგანგებო მდგომარეობისა და კომენდანტის საათის მიუხედავად, სააღდგომო ლუტურგია ჩატარდება. მთავრობის განცხადებით, დიდ ტაძრებში დაცული იქნება დისტანცია, ხოლო მცირე ეკლესიებში მრევლი გარეთ იქნება.
