ჯანდაცვის მსოფლიო ორგანიზაცია გამოდის მოწოდებით პრეპარატ დექსომეტაზონის წარმოება გაიზარდოს. ეს პრეპარატი კორონავირუსით დაავადებული მძიმე მდგომარეობაში მყოფი პაციენტების სიკვდილიანობის შესამცირებლად ეფექტური საშუალება აღმოჩნდა.
ორგანიზაციის მეთაურმა, ტედროს გებრეიესუსმა განაცხადა, რომ პრეპარატზე მოთხოვნა მკვეთრად გაიზარდა მას შემდეგ, რაც ოქსფორდის უნივერსიტეტის მეცნიერებმა გამოაქვეყნეს კვლევა ამ პრეპარატის უპირატესობების შესახებ.
დაახლოებით 2 000 პაციენტი კლინიკური კვლევის დროს სტაციონარში დექსომეტაზონს იღებდა. გაირკვა, რომ ფილტვების ხელოვნური ვენტილაციის აპარატზე შეერთებული პაციენტებისთვის ლეტალური შედეგის რისკი დექსომეტაზონის გამოყენების შედეგად 40–დან 28%–მდე შემცირდა, სუნთქვის აპარატზე შეერთებული პაციენტებისთვის კი 25–დან 20%–მდე.
“ჩენთვის შემდგომი გამოცდა იქნება წარმოების მოცულობების გაზრდა, ასევე დექსომეტაზონის სწრაფი და სამართლიანი განაწილება მთელ მსოფლიოში და აქცენტის გაკეთება იმ ადგილებზე, სადაც ის განსაკუთრებით აუცილებელია“– განაცხადა ჯანმოს ხელმძღვანელმა.
დექსომეტაზონი მედიცინაში უკვე 60 წელია გამოიყენება. ის ანთებისსაწინააღმდეგო მოქმედებით ხასიათდება. ჯანმო ხაზს უსვამს, რომ პრეპარატი მხოლოდ მძიმედ დაავადებულ პაციენტებში გამოიყენება და მხოლოდ მედიკოსების მეთვალყურეობის ქვეშ.
