“მისი გადმოცემით, მის მიმართ მუქარა განხორციელდა როგორც მაშინ, სანამ ჩამოვიდოდა საქართველოში, ისე აქ ჩამოსვლის შემდეგაც. მისი თქმით, მუქარა გამოიხატებოდა განცხადებებში, კერძოდ, რომ მას დააკავებდნენ, ასევე არსებობდა სიცოცხლის მოსპობის მუქარაც.” – აცხადებს დაკავებული აქტივისტის, ნანა სანდერის ადვოკატი, აიჰან გასანოვი
”ნანა სანდერის საქმეზე
ცოტა ხნის წინ მოვინახულე ქალბატონ ნანას. მისთვის სრულად გაუგებარია, რა სახის სისხლის სამართლის დანაშაულზე არის საუბარი.
მისი გადმოცემით, მის მიმართ მუქარა განხორციელდა როგორც მაშინ, სანამ ჩამოვიდოდა საქართველოში, ისე აქ ჩამოსვლის შემდეგაც. მისი თქმით, მუქარა გამოიხატებოდა განცხადებებში, კერძოდ, რომ მას დააკავებდნენ, ასევე არსებობდა სიცოცხლის მოსპობის მუქარაც. აღნიშნავდნენ, რომ „ხომ იცით, მსგავსი საქმეები სუიციდით სრულდებაო“.
ამჟამად იგი იყენებს დუმილის უფლებას”. – წერს ადვოკატი.
ცნობისთვის, 4 ოქტომბრის მოვლენებთან დაკავშირებით მიმდინარე გამოძიების ფარგლებში სულ 23 ადამიანი დააკავეს. სამს კი ეძებენ.
4 ოქტომბერსვე დააკავეს აქციის საორგანიზაციო კომიტეტის ხუთი წევრი:
- პაატა ბურჭულაძე,
- მურთაზ ზოდელავა,
- პაატა მანჯგალაძე,
- ირაკლი ნადირაძე
- ლაშა ბერიძე.
6 ოქტომბერს ხელბორკილები აქციის 13 მონაწილეს დაადეს. გუშინ, 7 ოქტომბერს კი კიდევ 5 პირი იქნა დაკავებული.
4 ოქტომბრის მოვლენებთან დაკავშირებით გამოძიება სისხლის სამართლის კოდექსის 317-ე, 222-ე, 225-ე და 187-ე მუხლებით მიმდინარეობს.
