უკრაინის ჯანდაცვის მინისტრი ვიქტორ ლიაშკო აცხადებს, რომ ოკუპანტებმა ამ დრომდე სასწრაფო დახმარების 58 მანქანა დაცხრილეს და 6 ექიმი მოკლეს.
მისი თქმით, ამის გამო ექიმებს ტყვიაგაუმტარი ჟილეტები დაურიგდებათ.
“ომმა შეცვალა თითოეული ჩვენგანის ცხოვრება. ომმა ყველაფერი შეცვალა: გეგმები, პრიორიტეტები, მოსაზრებები.
არასოდეს მეგონა, რომ სამედიცინო მუშაკებისთვის ტყვიაგაუმტარ ჟილეტებს მივიღებდით.
მაგრამ რუსეთიდან ჩამოსული ტერორისტების ქმედებების გამო, რომლებმაც უკვე ესროლეს სასწრაფოს 58 მანქანას და მოკლეს 6 ჩვენი კოლეგა, ჩვენ იძულებულნი ვართ ეს გავაკეთოთ.
დღეს ტყვიაგაუმტარი ჟილეტების პირველი ნაწილი სასწრაფო სამედიცინო დახმარების მუშაკებს გადაეცათ, რომლებიც, მიუხედავად ყველაფრისა, აქტიური საბრძოლო ზონის საზღვარზე უკრაინელებს ტყვიებისგან იხსნიან. Ჩვენ ვმუშაობთ. Ჩვენ გავიმარჯვებთ!”,– წერს მინისტრი.
