ლიეტუვა აცხადებს, რომ ცხინვალში ჩატარებული ნებისმიერ რეფერენდუმი არასამართლებრივი იქნება და ხაზგასმით აღნიშნავს, რომ საქართველოს ტერიტორიულ მთლიანობას მხარს უჭერს. ამის შესახებ, ლიეტუვის საგარეო საქმეთა სამინისტრო Twitte-ზე განცხადებას ავრცელებს. განცხადებაში ასევე ვკითხულობთ, რომ ლიეტუვა საერთაშორისო საზოგადოებას, საქართველოს სუვერენულობისა და უსაფრთხოების აქტიური მხარდაჭერისკენ მოუწოდებს.
„ლიეტუვა მტკიცედ უჭერს მხარს საქართველოს ტერიტორიულ მთლიანობას მის საერთაშორისოდ აღიარებულ საზღვრებში. რუსეთთან შეერთების შესახებ ოკუპირებული ცხინვალის მიერ ჩატარებული ნებისმიერი რეფერენდუმი არასამართლებრივი და ბათილი იქნება. ჩვენ მოვუწოდებთ საერთაშორისო საზოგადოებას, აქტიურად დაუჭირონ მხარი საქართველოს სუვერენულობასა და უსაფრთხოებას“, – ნათქვამია ლიეტუვის საგარეო საქმეთა სამინისტროს მიერ გავრცელებულ განცხადებაში.
