“ეს არის ახალი ამბის, ე.წ ნიუსის შექმნის მცდელობა, თორემ ხმების დაცვა მათ არავისგან არ სჭირდებათ, რეალურად სახელმწიფოს დასჭირდება მათი დესტრუქციისგან საზოგადოების დაცვა”. – ამბობს მამუკა მდინარაძე.
„ეს არის რეალობა რაც დღეს გვაქვს და არჩევნები ჩატარდება დემოკრატიული პრინციპების სრული დაცვით. ჩვენ ვცდილობთ, რომ მიუხედავად ამ პანდემიისა და იმ სიტუაციისა, რაც დღეს მსოფლიოში არის შექმნილი, რაც შეიძლება მეტი დამკვირვებელი მოვიწვიოთ და ჩამოვიყვანოთ იმისათვის, რომ მათ დადონ ობიექტური, მიუკერძოებელი დასკვნა და საკუთარი თვალით ნახონ როგორი ხარისხით, როგორი გამჭვირვალობით ჩატარდება 2020 წლის არჩევნები. ეს შედის მხოლოდ და მხოლოდ ჩვენს ინტერესებში და ეს შედის ქვეყნის ინტერესებში. და ძალიან კარგია, რომ მე ამაზე თავისუფლად ვსაუბრობ. როდესაც ჩვენი სახელისუფლებო გუნდის, მმართველი პარტიის „ქართული ოცნების“ და ქვეყნის ინტერესები დემოკრატიულობასთან და არჩევნების გამჭვირვალედ ჩატარებასთან დაკავშირებით ერთმანეთს ემთხვევა“, – განაცხადა მდინარაძემ.
ცნობისთვის, ოპოზიციამ დეკლარაცია შექმნა, რომლის მიხედვით, ხელმომწერი პარტიები არჩევნებზე ერთმანეთის ხმებს დაიცავენ.
