დაავადებათა კონტროლის ეროვნული ცენტრის დირექტორის მოადგილის, პაატა იმნაძის თქმით, ზაფხულში ბანკებში, მაღაზიებსა და სხვა დახურულ სივრცეებში კონდიციონერების გამოყენება ნებადარული არ იქნება.
მისი თქმით, კონდიციონერი, რომელიც არ მუშაობს ჰაერის გარედან შემოტანაზე და შემდეგ მის გატანაზე, მაღალი რისკის შემცველია.
,,ის კონდიციონერები, რომლებიც ჩვენთან გამოიყენება, ე.წ. საყოფაცხოვრებო კონდიციონერები, რომელიც შიგნით ჰაერს ატრიალებს, სამწუხაროდ, მათი გამოყენება ჯერჯერობით არის მაღალი რისკის შემცველი, ამიტომ თუ არ მუშაობს კონდიციონერი გარედან ჰაერის შემოტანაზე და იქ სისტემებია, რომელსაც გააქვს ჰაერი დახურული სივრციდან, ასეთი არ არის საყოფაცხოვრებო კონდიციონერების აბსოლუტური უმრავლესობა, მათი გამოყენება საშიშია.
ამიტომ, ვიცი, რომ სიცხე იქნება, გაგვიჭირდება, მიჩვეულები ვართ, მაგრამ ჯერჯერობით მათი გამოყენება არ იქნება ნებადართული”,- აცხადებს იმნაძე პრესკონფერენციაზე.
მან ასევე აღნიშნა, რომ კონდინციონერის ჩართვა თვითმფრინავებში აკრძალული არ იქნება, რადგან იქ სპეციალური ფილტრები აყენია.
ცნობისთვის, კონდიცირების ჩართვა აკრძალული იქნება ავტობუსებსა და სამარშრუტო ტაქსებშიც.
