”თუ ვინმეს სჭირდება დღეს კიდევ სამძიმარის თქმა და გვერდით დგომა, ალბათ, ოჯახის წევრებისა და ახლობლების მერე, არის კახა კალაძე. იმიტომ, რომ თქვენ ნახეთ დღეს მისი განცხადებები, მისი განწყობა, დამოკიდებულება, ალბათ ყველა ვიცნობთ ამ ადამიანს და, რა თქმა უნდა, ის ამ მორალულ პასუხისმგებლობას გრძნობს, რადგან ეს ამ ქალაქში მოხდა, სადაც ის არის არჩეული მერი. თუმცა, კიდევ ვიმეორებ, გამოძიების დასრულებამდე ვინმეს დადანაშაულება და თან ერთი ადამიანის პიროვნულად, ვისაც პირდაპირი შეხება კონკრეტულ საკითხებთან არ ჰქონია, კიდევ უფრო მეტი დანაშაული იქნება და კიდევ უფრო მეტი მორალური პასუხისმგებლობა იმაზე, რომ ადამიანი დარჩეს თანამდებობაზე, გადადგეს ან არ გადადგეს კი არა, არამედ მასზე გადატყდეს მორალურად ჯოხი, რომ ის იყო პასუხისმგებელი. ”
ამბობს თბილისის საკრებულოს წევრი, ვლადიმერ ბოჟაძე იმედთან ინტერვიუში.
