თეოლოგი ბასილ კობახიძე ამბობს, რომ ეკლესია იმ რამდენიმე ათას ადამიანზე დგას, ვინც პატრიარქის ,,შავბნელ” განცხადებებს სოციალურ ქსელში ,,Amin”-ს უწერენ.
მისი თქმით, ეკლესია ჩიხშია, რადგან შემდეგი თაობა ასეთ ეკლესიაში აღარ მივა.
,,პატრიარქის ნებისმიერ შავბნელ განცხადებას რომ სოციალურ ქსელებში რამდენიმე ათასი ადამიანი უწერს Amin, amin, amin, hamin, AMIn, Аминь АМИНЬ. სწორედ ამაზე დგას ეკლესია. ამიტომ უწვება მას პოლიტიკური ელიტა და ფულებს აძლევს ფინანსური ელიტა. მაგრამ ეს ხალხი, გინდ ასაკოვნები, გინდ ახალგაზრდები ამგვარი მრევლის ბოლო თაობაა. მათშიც კი უამრავ ადამიანს თვალი ეხილება. შემდეგი თაობა უბრალოდ დატოვებს ასეთ ეკლესიას.
შემოსავალი რომ მოაკლდებათ მამაოების დიდი ნაწილიც ერში წავა და სხვა საშოვარზე დადგება. ეკლესია დღეს უკვე არის კატასტროფულ ჩიხში, რომელსაც ვერ ამჩნევს და ამპარტავნულად იბრიქება”,- წერს სოციალურ ქსელში ბასილ კობახიძე.
