სლოვენია მზად არის კორონავირუსზე გამარჯვების შესახებ განაცხადოს. მაისის ბოლოსთვის ის პირველი ევროპული ქვეყანა გახდება, რომელიც ოფიციალურად გამოაცხადებს კორონავირუსის პანდემიის დასრულების შესახებ. ბოლო ორი კვირის მანძილზე ქვეყანაში სულ 35 ახალი დაინფიცირების შემთხვევა გამოვლინდა მთლიანობაში 2 მილიონიან ქვეყანაში კორონავირუსით დაინფიცირების 1464 შემთხვევაა რეგისტრირებული. გარდაიცვალა 103. ქვეყნის პრემიერ მინისტრის, იანეზ იანშის განცხადებით სლოვენიაში ევროპაში საუკეთესო ეპიდემიოლოგიური სიტუაციაა.
თუმცა სლოვენიის ბალკანელი მეზობლები შესაძლოა ამ განცხადებას არ დაეთანხმონ: მაგალითად, ჩერნოგორიაში სულ 8 დაინფიცრებულია რეგისტრირებული, ბოლო კვირის მანძილზე კი არცერთი ახალი შემთხვევა არ გამოვლენილა.
Covid19-ის დამარცხება სლოვენიისთვის არა მხოლოდ ნაციონალური სიამაყის, არამედ ეკონომიკის საკითხიცაა. მაისის ბოლოდან ხელისუფლებას აღარ დაჭირდება საგანგებო დახმარების გაცემა მეწარმეებისა და კერძო პირებისთვის.
კარანტინის გაუქმების შემდეგ აღარ იმოქმედებს შეზღუდვები ევროკავშირის სხვა ქვეყნებიდან სლოვენიაში შესვლაზე.
