რა დაზიანებები ჰქონდა გორგი შაქარაშვილს ცხედარს – ახალი დეტალები

მარჯვენა ხელის მოტეხილობა, ნახეთქი ჭრილობები – ტუჩზე, შუბლის მარჯვენა მხარეს და წელზე – ეს დაზიანებები გიორგი შაქარაშვილის ცხედარს აღენიშნება. ამის შესახებ ინფორმაციას “ტვ პირველი” ავრცელებს.ცხედარი მდინარე არაგვში ფეხშიშველ მდგომარეობაშია ნაპოვნი.

დამოუკიდებელი ექსპერტის ალექსანდრე გეჯაძის განცხადებით, სიცოცხლის დროინდელია თუ არა დაზიანებები მხოლოდ ფოტომასალით რთული სათქმელია.

“ნაპოვნის ადგილზე გარეგანი დათვალიერებისას შედგა პროტოკოლი. პროტოკოლის მიხედვით, აღენიშნება დაზიანებები. შესაბამისად, იმის გათვალისიწინებით, რომ ტანსაცმელი მოსვრილია ქვიშით, ცალსახად მსჯელობა თუ რა დაზიანებებია და სიცოცხლის დროინდელია თუ არა, მარტო ამ ფოტომასალით ძნელი სათქმელი იქნება. უფრო ღირებული ინფორმაცია გვქონდა მაშინ, როდესაც სხეული გადაიტანეს პროზექტურაში, მაშინ მოხდა სხეულის გასუფთავება და დაზიანებები უფრო ნათლად გამოჩნდებოდა”,- განაცხადა ექსპერტმა “ტვ პირველთან”