მაშინ რატომ [აშშ-ს მიერ სასამართლო კლანის სანქცირებაზე]? – ზუსტად ასეთივე დამოკიდებულება იყო მაშინ, როდესაც ე.წ რუსულ კანონზე, სინამდვილეში გამჭვირვალობის შესახებ კანონზე იყო საუბარი. Fake კამპანია, საუკუნის აფიორა, რომელიც დალაგდა ქვეყნის შიგნით აქტორების მხრიდან, მათ დაარქვეს კანონს რუსული, იმ კანონს, რომელიც მოქმედებს კანადაში, აშშ-ში, ის რაც იმ ქვეყნებში არის ამერიკული, მხოლოდ ამ ქვეყანაში აღმოჩნდა რუსული.
მაშინაც, ჩვენი მეგობრების მხრიდან ვნახეთ ამ ნარატივის მხარდამჭერი განცხადებები, რაც ძალიან სამწუხაროა და ერთადერთი ბოლო არგუმენტი, რაც ისმოდა თქვენი მხრიდან, საზოგადოების იმ ნაწილის მხრიდანაც, რომლებიც დარწმუნდნენ იმაში, რასაც მათ ატყუებდნენ, რომ მაშინ რატომ ამბობს ამერიკელი ამერიკულ კანონზე, რომ ეს არის რუსული? აქ შეიძლება პასუხიც აღარ გქონდეს. რატომ უნდა ამბობდეს? ესე იგი მართლა რუსულია. აი ამ ლოგიკას არ უნდა ჩავყვეთ.
ჩვენ, რა თქმა უნდა, უნდა გავარჩიოთ მტერი და მოყვარე, მეგობარი და არამეგობარი, მაგრამ ამავდროულად უნდა ვუთხრათ მეგობარს, რაც არ უნდა პატარები ვიყოთ ზომით თუ წონით, რა არის სიმართლე და რა არის არასწორი ინფორმაცია და უნდა მივაქციოთ ყურადღება ვინ რას ამბობს და არა მხოლოდ იმას, ვინ ამბობს.
