ოთხშაბათს აშშ–ს კონგრესის ქვედა პალატა კენჭისყრაზე დააყენებს დონალდ ტრამპის მეორე იმპიჩმენტის საკითხს. ეს პროცედურა დანაშაულის ჩადენის ოფიციალური ბრალდების წყანებას ნიშნავს – ამჯერად ძალადობის და აჯანყების წაქეზებისთვის.
ამის შემდეგ სენატი გადაწყვეტს, ჩამოაშოროს თუ არა პრეზიდენტი ვადამდე თანამდებობას, ამავე დროს მას უფლება ჩამოერთმევა მომავალში თანამდებობაზე კენჭი იყაროს.
სამშაბათს საღამომდე ისე ჩანდა, თითქოს 2019 წლის მოვლენები მეორდებოდა:
დემოკრატები პრეზიდენტის იმპიჩმენტს დააყენებდნენ, თუმცა რესპუბლიკელებს სენატში ვერ დაარწმუნებდნენ და პროცესს აუცილებლად წააგებდნენ.
თუმცა, სამშაბათს მათ პატარა შანსი გაუჩნდათ. გაზეთმა New York Times–მა დაწერა, რომ სენატის რესპუბლიკელების ლიდერი, მიტჩ მაკონელი იმპიჩმენტს მხარს უჭერს და უნდა ამგვარად მოაშოროს რესპუბლიკურ პარტიას ტრამპი თავიდან.
ქვედა პალატაში იმპიჩმენტის მხარდაჭერის პირობა დადო რესპუბლკელების მაღალჩინოსანმა წარმომადგენელმა და ყოფილი ვიცე პრეზიდენტის, დიკ ჩეინის შვილმა ლიზ ჩეინიმ. მოსალოდნელია, რომ მას დაახლოებით ოცი კონსერვატორი კანონმდებელი შეუერთდება.
მართალია კონგრესის ყველა რესპუბლიკელი არ არის თანახმა ღიად დაუპირისპირდეს ტრამპს, თუმცა მას სულ უფრო ცოტა დამცველი რჩება. და თუ პირველი იმპიჩმენტის დროს რესპუბლიკელები მის უდანაშაულობას ამტკიცებდნენ, ახლა აღარ აპირებენ, რადგან არ სურთ საზოგადოების შემდგომ პოლარიზაციას შეუწყონ ხელი.
ტრამპის დაცვის სულ უფრო ნაკლები მსურველი რჩება მისი მომხრეების მიმართ წაყენებული ბრალდებების სიმძიმის ზრდის პარალელურად, რომლებმაც აშშ–ს დედაქალაქში არეულობა მოაწყევს. აქამდე დაპატიმრებები ძირითადად წვრილმანი სამართალდარღვევებისთვის მიმდინარეობდა, როგორიც არის მაგალითად კაპიტოლიუმის შენობაში უკანონო შეღწევა.
თუმცა, სამშაბათს ვაშინგტონის ოლქის გენერალურმა პროკურატურამ განაცხადა, რომ აშშ–ს იუსტიციის სამინისტორომ შესაძლოა შტურმის მონაწილეთა ნაწილი აჯანყებაში დაადანაშაულოს, რომლის მიზანი სახელმწიფო გადატრიალება იყო. ამ მუხლისთვის კი სასჯელი 20 წლამდე ციხეს ითვალისწინებს.
