რიკოთის გვირაბთან გზის ნაწილი ჩაიკეტა, მოძრაობა შეზღუდულია

გზების დეპარტამენტის განცხადებით, თბილისი-სენაკი-ლესელიძის საავტომობილო გზის 155 -ე კილომეტრთან (რიკოთის მონაკვეთი), გზის მიმდებარე ფერდზე ჩამოიშალა მიწის ნაწილი, რის გამოც ნაწილობრივ ჩაიკეტა საავტომობილო გზის სავალი ნაწილი.  ამ დროისათვის ავტოტრანსპორტის გადაადგილება მიმდინარეობს ერთ ზოლზე

მათი ცნობით, უკვე აქტიურად მიმდინარეობს გზის გაწმენდითი სამუშაოები საავტომობილო მიმოსვლის უმოკლეს დროში აღდგენის მიზნით.

მოქალაქეები სოციალურ ქსელში წერენ, რომ ადგილზე გრძელი საცობია და გადაადგილებას ვერ ახერხებენ.