ევრაზიული კავშირიდან წიწიბურის, ბრინჯის და სხვა რამდენიმე პროდუქტის ექსპორტი აიკრძალა

12 აპრილიდან კორონავირუსის პანდემიასთან დაკავშირებით, რუსეთიდან და ევრაზიული ეკონომიკური კავშირიდან (რუსეთი, ყაზახეთი, ბელარუსი, სომხეთი, ყირგიზეთი) რამდენიმე სასურსათო პროდუქტის ექსპორტირება აიკრძალა.

ეს გადაწყვეტილება ევრაზიის ეკონომიკურმა კომისიამ მიიღო და ის ძალაში დღეს, 12 აპრილს შევიდა. ექსპორტის აკრძალვა 30 ივნისამდე იმოქმედებს.

ექსპორტზე არ გავა შემდეგი პროდუქტები:

• ხახვი;
• ნიორი;
• ჭვავი;
• ბურღული, ფქვილი უხეშად დაფქული და მარცვლეულის გრანულები;
• წიწიბურა;
• ბრინჯი;
• მზა საკვები პროდუქტები წიწიბურისგან;
• სოიო;
• და მზესუმზირის მარცვლები.