რუსეთმა თავისი ბირთვული იარაღის გადატანა ბელორუსის ტერიტორიაზე დაიწყო.ამის შესახებ ჟურნალისტებს ბელორუსის თვითგამოცხადებულმა პრეზიდენტმა ალექსანდრე ლუკაშენკომ განუცხადა. მან თქვა, თუ როგორ განიხილა პუტინთან ბელორუსიაში ბირთვული იარაღის განლაგების ქმედებები.
“საჭირო იყო იქ შესანახი ადგილების მომზადება და ა.შ. ეს ყველაფერი გავაკეთეთ. ამიტომ დაიწყო ბირთვული იარაღის მოძრაობა”, – განაცხადა ლუკაშენკომ.
დამაზუსტებელ კითხვაზე, არის თუ არა უკვე ბელორუსიაში ბირთვული იარაღი, მან უპასუხა: “შესაძლებელია, მივალ და ვნახავ”.
ბირთვული იარაღის განლაგება ბელორუსიაში
2022 წლის მარტის ბოლოს პუტინმა გამოაცხადა, რომ ბელორუსიაში ტაქტიკური ბირთვული იარაღის სპეციალური საცავი შენდებოდა.
ევროკავშირის ქვეყნებმა დაგმეს ეს გადაწყვეტილება თუმცა დღეს ცნობილი გახდა, რომ რუსეთის თავდაცვის მინისტრმა სერგეი შოიგუმ და თავდაცვის მინისტრმა ვიქტორ ხრენინმა ხელი მოაწერეს დოკუმენტებს ბელორუსის ტერიტორიაზე არასტრატეგიული ბირთვული იარაღის შენახვის პროცედურის შესახებ.
