ხერსონიდან გასვლის შემდეგ რუსეთის ფედერაციის შეიარაღებული ძალები ქვეყნის სამხრეთში, დნეპრის მარცხენა სანაპიროზე თავდაცვის ხაზების აღჭურვას განაგრძობენ. ამის შესახებ უკრაინის შეიარაღებული ძალების გენერალური შტაბის დილის რეზიუმე იტყობინება.
„რუსი ოკუპანტები ცდილობენ შეინარჩუნონ დროებით ოკუპირებული ტერიტორიები და თავიანთი ძალისხმევის ფოკუსირება მოახდინონ უკრაინის თავდაცვის ძალების მოქმედებების შეზღუდვაზე გარკვეულ რაიონებში“, – განმარტავენ სარდლობაში.
დროებით ოკუპირებულ ყირიმში მტერმა ასევე ნაწილობრივ განაახლა მანქანების მოძრაობა ქერჩის ხიდზე.
გარდა ამისა, რუსები დონეცკის ოლქში ბახმუტის, ავდეევსკის და ნოვოპავლოვსკის მიმართულებებით მიიწევენ.
გასული დღის განმავლობაში უკრაინამ რუსეთის შეიარაღებული ძალების თავდასხმები მოიგერია დასახლებებში: ნოვოსელოვსკოე, ლუგანსკის ოლქის რაიონებში; ბელოგოროვკა, ბახმუტ, ბახმუტსკოე, ვრემოვკა, კრასნოგოროვკა, მარინკა, ნოვოკალინოვო, ნოვომიხაილოვკა, პერვომაისკოე, დონეცკის ოლქი.
ამ პერიოდის განმავლობაში, ოკუპანტებმა 4 სარაკეტო და 23 საჰაერო დარტყმა მრავალჯერადი სარაკეტო სისტემებიდან კი 70-ზე მეტი თავდასხმა განახორციელეს
ოკუპირებული ლუგანსკის რეგიონის ტერიტორიაზე მტერი მიტოვებულ კერძო სახლებს ეძებს. რეზერვის სახით ჩამოსული სამხედრო მოსამსახურეები იქ სახლდებიან. ასეთი ცარიელი საცხოვრებლის პოვნის მცდელობისას, სოფელ ნოვოიდარში მცხოვრები რუსები ადგილობრივ მოსახლეობას ბუკლეტებს ურიგებენ და მოითხოვენ, რომ ე.წ. „ადმინისტრაციაში“ მივიდნენ მონაცემების გასარკვევად.
გენერალურმა შტაბმა დაადასტურა მტრის ქვედანაყოფების დამარცხება ლუგანსკის რეგიონში. სვატოვსკის რაიონის სოფელ მელოვატკაში, უკრაინის შეიარაღებულმა ძალებმა გაანადგურეს რუსი დამპყრობლების ქვედანაყოფის შტაბი. უკვე ცნობილია 30 დაღუპული და 20-ზე მეტი დაჭრილი ოკუპანტის შესახებ.
გასული დღის განმავლობაში უკრაინულმა ავიაციამ მტერს 21 დარტყმა მიაყენა პერსონალის, იარაღისა და სამხედრო ტექნიკის კონცენტრაციის 18 უბანზე, ასევე საზენიტო-სარაკეტო სისტემებით 3 პოზიცია დაბომბა
