საინტერესოა, შესწევს თუ არა ”ოცნებას” უნარი, ბოლომდე დაიცვას თავისი პრინციპები – აცხადებს, პუტინისტი პრორუსული და ძალადობრივი ჯგუფის ლიდერი კონსტანტინე მორგოშია ე.წ. აგენტების კანონპროექტთან დაკავშირებით.
“კანონპროექტი, რომლის ირგვლივაც ამხელა ვნებათაღელვაა გამოწვეული, თავისი შინაარსით ძალიან საინტერესოა. აგრეთვე საინტერესოა, შესწევს თუ არა ქართულ ოცნებას უნარი, ბოლომდე დაიცვას თავისი პრინციპები. იდეაში, ამ კანონის მიღებამდეც, შექმნილი აჟიოტაჟიდან გამომდინარე, უკვე ნათელი და ცალსახაა, თუ ვინ წარმოადგენენ ჩვენს ქვეყანაში, უცხო ქვეყნიდან მართულ აგენტურულ ქსელს.
მე მივესალმები ამგვარი კანონპროექტის მიღებას და მეტიც, მხარს ვუჭერ უცხო ქვეყნიდან დაფინანსებული ჯგუფების არამხოლოდ “აგენტებად” რეგისტრაციას, არამედ მათი პოლიტიკური, ენჯეო თუ მედია საქმიანობის შეჩერებას”, – წერს მორგოშია.
