ჰომოფობიური და ქსენოფობიური პარტიიის “ქართული მარშის” ლიდერი, სანდრო ბრეგაძე აცხადებს, რომ “ღირსების მარშის” რეალური ორგანიზატორი მმართველი გუნდია. ამის შესახებ ბრეგაძე სოციალურ ქსელში წერს.
“თქვენ თუ დაუშვებთ და ხელს შეუწყობთ გეი-აღლუმის ჩატარებას, მაშინ მთელი პასუხისმგებლობა დაგეკისრებათ თქვენ. გეი – აღლუმის რეალური ორგანიზატორი არის “ქართული ოცნების” საპარლამენტო გუნდი, სწორედ მათ მიცეს გარანტია რომ ლგბტ-აღლუმი ჩატარდება.
ახლა ბოლო სიტყვა თქვენზეა – ქართული ოჯახის შვილი, შესანიშნავი მამა და მეუღლე, მორწმუნე-მართლმადიდებელი ირაკლი ღარიბაშვილი ჩაატარებს გეი-აღლუმს თუ არა!? არჩევანი თქვენზეა ბატონო პრემიერო და ამ არჩევანიდან გამომდინარე იმოქმედებს ქართველი ერი”, – წერს სანდრო ბრეგაძე.
ცნობისთვის, “თბილისი პრაიდმა” 5 ივლისს ღირსების მარში დაანონსა.
