საქართველოს და აშშ-ის საერთაშორისო განვითარების სააგენტოს (USAID) შორის დღეს ხელი ეწერება საგრანტო შეთანხმებას – „საქართველოს მდგრადი განვითარების ხელშეწყობისათვის“.
აშშ-ის ელჩის, კელი დეგნანის განცხადებით, ამ შეთანხმების შედეგად 5 წლის პერიოდში საქართველოსთვის $330 მილიონ დოლარამდე რესურსი გახდება ხელმისაწვდომი.
პირველ ეტაპზე საქართველოსთვის 67 მლნ დოლარის გრანტი გამოიყოფა.
შეთანხმებას ხელს აწერენ ფინანსთა მინისტრი ლაშა ხუციშვილი და USAID-ის მისიის დირექტორი პიტერ ვიბლერი. ხელის მოწერის ცერემონია საქართველოს მთავრობის ადმინისტრაციაში გაიმართა.
