მინდა, განსაკუთრებით გამოვყო დღევანდელი დღის გადაწყვეტილება, რაზეც ბოლო თვეების განმავლობაში ვმუშაობდით. ჯერ კიდევ გასული წლის ზაფხულში დავაანონსეთ, რომ ჩვენ სომხეთთან სტრატეგიული თანამშრომლობის შესახებ მემორანდუმს ხელს მოვაწერდით. ჩვენ ისტორიულად, ტრადიციულად ძალიან ძლიერი მეგობრები და მოკავშირეები ვართ. ყველა მიმართულებით კარგი ურთიერთობა, პარტნიორობა და თანამშრომლობა გვაქვს. შეიძლება, ასე ითქვას, დე ფაქტო ჩვენ ისედაც ვიყავით სტრატეგიული პარტნიორები და სტრატეგიული მეგობრები. დღეს კი ეს მოცემულობა ოფიციალურად გაფორმდა და სტრატეგიული პარტნიორობის შესახებ თანამშრომლობის შეთანხმებას ხელი მოვაწერეთ.
