The Moscow Times-ის ინფორმაციით, რუსეთმა უკრაინული დრონების დარტყმების შედეგად ნავთობგადამამუშავებელი სიმძლავრეების 13%-ზე მეტი დაკარგა.
აგვისტოს დასაწყისიდან უკრაინული უპილოტო აპარატების თავდასხმებმა მინიმუმ ოთხი დიდი ნავთობგადამამუშავებელი ქარხანა გააჩერა: ნოვოკუიბიშევსკში, სარატოვში, სამარასა და ვოლგოგრადში. ასევე ნაწილობრივ შეჩერდა „როსნეფტის“ უდიდესი ქარხანა რიაზანში.
საერთო დანაკარგმა წელიწადში დაახლოებით 44 მილიონი ტონა (13,5%) შეადგინა.
Reuters-ის ცნობით, ზოგიერთი ქარხნის შეკეთებას ერთ თვეზე ნაკლები დასჭირდება, ხოლო სამარის ნავთობგადამამუშავებელი ქარხანა აგვისტოს ბოლომდე გაჩერებული იქნება.
2023 წელს რუსეთმა 267 მილიონი ტონა გადაამუშავა – მინიმუმი ბოლო 12 წლის განმავლობაში.
