ამ ენაზე, სხვათაშორის, ძალიან ბევრი, ათასობით და ათი ათასობით ჩვენი მოქალაქე საუბრობს, ესეც რომ იცოდეს სალომე ზურაბიშვილმა. ეს ერთი. ანუ ენა რა შუაშია, მე არ ვიცი, მაგრამ კიდევ ერთხელ მინდა გავიხსენო ის ქსენოფობიური კამპანიები, რომლებიც ხორციელდებოდა საქართველოში. ყალბი ნარატივი იყო, რომ თითქოს ეს საფრთხეს შეუქმნიდა ქვეყანას და ასე შემდეგ. იყო სამი ტალღა შარშან ამ ქსენოფობიური კამპანიის, წელსაც იყო ერთი ტალღა ამ ქსენოფობიური კამპანიის. სინამდვილეში ხომ გაირკვა, რომ სრული ფარსი იყო საუბარი ამ საფრთხეებთან დაკავშირებით.
