დენიელ ფრიდის პოზიცია ზუსტად იგივეა, რაზეც ევროპული საქართველო თავიდანვე საუბრობდა, რომ ამ ხელისუფლების პირობებში სტატუსზე აქცენტის გაკეთება არასწორია და სტატუსის მოცემის პირობებშიც კი ქართული ოცნების, პრორუსული ხელისუფლების ცვლილების გარეშე საქართველო ერთი ნაბიჯითაც ვერ წაიწევს წინ დასავლური ინტეგრაციის გზაზე. რაც შეეხება უნგრეთის მაგალითის მოყვანას, ვფიქრობ, არასწორია, რადგან უნგრეთი უკვე არის NATO-სა და ევროკავშირის წევრი, განსხვავებით საქართველოსგან, რომელიც მსგავსი პოლიტიკის გატარებით არათუ დაუახლოვდება, არამედ დაშორდება დასავლურ ცივილიზაციას.
ამბობს ევროპული საქართველოს გენერალური მდივანი, აკაკი ბობოხიძე.
