“მთავარი არხის“ და „ფორმულას“ ინფორმაციით “ქართული ოცნება“ წინანდალში მდებარე სასტუმრო “რედისონშია“ შეკრებილი, რომელიც ალექსანდრე ჭავჭავაძის მამულის გვერდით მდებარეობს. მთავარი არხის ინფორმაციით მმართველმა გუნდმა 450 კაციანი სუფრა გაშალა, რომელიც 153 000 ლარი დაჯდა. ერთი დღეღამე ხუთვარსკვლავიანი სასტუმრო “რედისონის“ ნომერი საშუალოდ 500–700 ლარი ღირს. სადილისთვის დახარჯული თანხის გარდა ნომრების დაქირავება პარტიას სავარაუდოდ 300 000 ლარი დაუჯდა.
მმართველი გუნდის ერთ–ერთმა ლიდერმა, მამუკა მდინარაძემ მედიას უთხრა, რომ ეს თანხა პარტიის ბიუჯეტიდან იფარება. პარტიულ შეკრებას ესწრება პრემიერ–მინისტრი ირაკლი ღარიბაშვილიც. უცნობია შეკრების ოფიციალური მიზეზი, თუმცა სავარაუდოდ ოცნება შიდაპარტიულ პრობლემებს განიხილავს. შეგახსენებთ, რომ ორი დღის წინ თანამდებობის დატოვების შესახებ განაცხადა ჯანდაცვის მინისტრმა, ეკატერინე ტიკარაძემ.
მთავარი არხის ინფორმაციით სასტუმრო სხვა ვიზიტორებისთვის დაკეტილია, ისევე როგორც ალექსანდრე ჭავჭავაძის სახლმუზეუმი და მიმდებარე პარკი.
