ქუთაისში კორონავირუსით კიდევ ერთი ექიმი გარდაიცვალა. 62 წლის ეპიდემიოლოგი ლია შეყილაძე NCDC-ში მუშაობდა. მას კორონავირუსი რამდენიმე დღის წინ დაუდასტურდა და კლინიკაში მკურნალობდა.
თავდაპირველად, მდგომარეობა სტაბილური იყო, მოგვიანებით დამძიმდა და მისი გადარჩენა ვეღარ შეძლეს. ექიმ-ეპიდემიოლოგი გუშინ, გვიან ღამით გარდაიცვალა.
იმერეთში, 24 საათის განმავლობაში კორონავირუსის 662 ახალი შემთხვევა დადასტურდა.
