საქართველო არის ადგილი, სადაც ცივილიზაციები საუკუნეების განმავლობაში ხდვდებოდნენ, ერწყმოდნენ და აბალანსებდნენ ერთმანეთს – ჩვენი კულტურა კი ამ რთული და მუდმივი სინთეზის პირმშოა.
ჩემო აფხაზო, ოსო ძმებო და დებო ჩვენი კულტურული კოდი არ შეცვლილა – ჩვენთვის მრავალფეროვნება არა პრობლემა, არამედ კვლავ არსებობის აუცილებელი ფორმულაა, ამიტომ საოკუპაციო ხაზის მიღმა მყოფ თანამოძმეებს ყოველთვის ღია გულით და გაშლილი ხელით შეგხვდებით.
ჩვენი ვალია, რომ ერთობლივი ძალისხმევით გადავლახოთ ხელოვნურად შექმნილი დაბრკოლებები, აღვადგინოთ ჩატეხილი ხიდები, წარსული წყენები კი, როგორც გამორჩეულმა, სულგრძელმა ხალხმა წარსულს მივაბაროთ.
