ჯანდაცვის მინისტრის ეკატერინე ტიკარაძის განცხადებით, ისინი აღარ არიან პიკის მოლოდინში, რადგან უკვე არსებობს პლატო. ამის შესახებ ჯანდაცვის მინისტრმა ტელეკომპანია “იმედის” ეთერში ისაუბრა.
“ყოველივე ამან გამოიწვია ერთობლივი შედეგი — ჩვენ აღარ ვართ აპრილისა და მაისის რიცხვებში იმის მოლოდინში, რომ გვქონდეს პიკი, არამედ ჩვენ უკვე გვაქვს პლატო. შესაბამისი ღონისძიებების გატარების შედეგად, შემდეგი მოლოდინი არის უკვე ამ პლატოზე ინფექციების მართვა, რათა სახელმწიფოს ეკონომიკური ზიანი არ ჰქონდეს”, — განაცხადა მინისტრმა
