სასამართლო განაგრძობს ცილისწამების შესახებ სარჩელის განხილვას, რომელიც ჯონი დეპმა ყოფილი ცოლის, ემბერ ჰერდის წინააღმდეგ შეიტანა. მსახიობის ადვოკატები ახალი მტკიცებულებების ძიებას განაგრძობენ იმის დასამტკიცებლად, რომ ფოტოები, რომლებზეც 2016 წელს თითქოსდა ქმრის მიერ ნაცემი ემბერ ჰერდი იყო ასახული ფალსიფიცირებულია.
გაირკვა, რომ თუ ჯონი დეპის წარმომადგენლები შეძლებენ სასამართლო დაარწმუნონ, რომ ემბერმა ყოფილ ქმარს ცილი დასწამა და თავად მიიყენა დაზიანებები, ქალს შეიძლება რეალურიი საპატიმრო სასჯელი დაეკისროსს. კალიფორნიაში მოქმედი კანონმდებლობის მიხედვით ყალბი ჩვენებისა და ფაქტების ფალსიფიკაციისთვის მსახიობს შეიძლება სამწლიანი ციხე მიუსაჯონ. სასჯელს ჰერდი პასუხისმგებლობას მხოლოდ იმ შემთხვევაში აიცილებს თავიდან, თუ დაამტკიცებს, რომ მსგავსი მანიპულაციების ჩადენისას მომხდარის არსში ვერ ერკვეოდა და არაგანზრახ მოქმედებდა.
ჯონი დეპის წარმომადგენლები თავის მხრივ გაჩერებას არ აპირებენ. ცოტა ხნის წინ მათ საქმეში ჯეიმს ფრანკოს ჩართვა მოითხოვეს, რომელმაც ემბერ ჰერდი იმ ღამეს მონახულა, როცა თითქოსდა ჯონი დეპმა ის სცემა. ამას იმ სახლის ვიდეოკამერების ჩანაწერი ადასტურებს, სადაც ცოლ–ქმარი ცხოვრობდა. ფრანკომ განაცხადა, რომ მზად არის ჩვენება მისცეს, თუმცა მხოლოდ სრული საიდუმლოების დაცვის პირობებით. ინფორმაციის გაჟონვის შემთხვევაში ის სერიოზულ კომპენსაციას მოითხოვს.
ჯონი დეპის ადვოკატი, ადამი უოლდმანი ემბერ ჰერდის ყოფილი შეყვარებულის, ილონ მასკის დაკითხვასაც ითხოვს. იმავე სახლის ლიფტის კამერის ჩანაწერებიდან ჩანს, რომ მან ქალი ქმრის მიერ სავარაუდო ცემიდან რამდენიმე დღეში მონახულა.
სანამ სასამართლო გრძელდება, ჯონი დეპის დასაცავად ბევრი ვარსკვლავი გამოდის. ცოტა ხნის წინ ის მეგობარმა და კოლეგამ, ჰავიერ ბარდემმა დაიცვა. მან მსახიობს კარგი ადამიანი უწოდა, რომელიც ტოქსიკური ადამიანების ტყუილის და მანიპულაციების ხაფანგში აღმოჩნდა.
მანამდე დეპის მხარდასაჭერად გამოვიდნენ მისი ყოფილი შეყვარებულები – ვანესა პარადი და ვაინონა რაიდერი. ორივემ თქვა, რომ ჯონი დეპს მრავალი წელია იცნობენ და დარწმუნებულნი არიან, რომ ის ძალადობას არ ჩაიდენდა.
ჯონი დეპმა ბრიტანულ ტაბლოიდს, The Sun–საც უჩივლა, რომელმაც 2018 წელს გამოაქვეყნა სტატია, რომელშიც ამტკიცებდნენ, რომ ჯონი დეპმა ყოფილი ცოლი, ემბერ ჰერდი სასტიკად სცემა.
თუმცა ჯონი დეპი ამტკიცებდა, რომ მას ცოლი არ უცემია და პირიქით, ქალმა თვითდაზიანება მაშინ მიიყენა, როცა ქმარს ბოთლი ესროლა, შემდეგ კი მის ლოყაზე სიგარეტის ჩაქრობას ცდილობდა. საბოლოოდ მან ოფიციალურად შეძლო დამტკიცება, რომ ცოლი არ უცემია. ახლა კი უნდა ყოფილი ცოლი რეპუტაციის შელახვისთვის დასაჯოს.
