“დაავადებათა კონტროლის ეროვნული ცენტრმა“ საქართველოში ახალი კორონავირუსის მიმდინარეობის ანალიზის მეორე ანგარიში გამოაქვეყნა, რომლის მიხედვით, ჰოსპიტალიზაციამდე კორონავირუსით ინფიცირებულ ადამიანთა 11%-ს (88 ადამიანს) ვირუსი ასიმპტომური ფორმით ჰქონდა. გარდა ამისა, 57.3%-ს ცხელება აღენიშნებოდა, 24.6%-ს კი ხველა.
კვლევაში ასევე მოცემულია დადასტურებული შემთხვევების ასაკობრივი განაწილებაც, რომლის მიხედვით, ყველაზე ხშირად კორონავირუსი 30-59 წლის ასაკის ადამიანებს დადასტურდათ, რაც შემთხვევების 51.5%-ია. მხოლოდ 2.4%-ს შეადგენს 0-დან 4-წლამდე ასაკის ბავშვებში დადასტურებული შემთხვევების რაოდენობა
კვლევა მოიცავს 2020 წლის 26 თებერვლიდან საქართველოში აღრიცხული ინფიცირების 800 შემთხვევას.
