“ნაციონალური მოძრაობის” ერთ-ერთი წევრი, ხატია დეკანოიძე, გიორგი გახარიას განცხადებას ეხმაურება და პრემიერს ტყუილის გავრცელებაში ადანაშაულებს ამის შესახებ დეკანოიძე სოციალურ ქსელში წერს.
“ვწუხვარ, რომ გახარიას ტყუილის გამო დიდ დროს ვკარგავთ..საქართველოს პრემიერ-მინისტრის 21 მარტის დადგენილებით „საქართველოში ახალი კორონავირუსის (Covid-19) გავრცელების აღკვეთის მიზნით გასატარებელ ღონისძიებებში (ამ დადგენილების მიზანი პრეზიდენტის დეკრეტის „საქართველოს ტერიტორიაზე საგანგებო მდგომარეობის გამოცხადების შესახებ აღსრულებაა) განმარტებულია:
– საგანგებო მდგომარეობის ვადით წყდება საერთაშორისო მიმოსვლა (ეს ეხება საავიაციო ფრენებს);
– ჩერდება ყველანაირი პირდაპირი საერთაშორისო ავიარეისები;
– ჩარტერული რეისების შესახებ განაცხადი (!!!) განიხილება სამოქალაქო ავიაციის სააგენტოს მიერ ეკონომიკის განვითარების სამინისტროს თანხმობით (ანუ მთავრობის თანხმობით);
გარდა ამისა, მნიშვნელოვანია მთავრობის ჩართულობა დიპლომატიური წარმომადგენლობისთვის ნოტების გაგზავნის დავალების კუთხით. ვინაიდან, ევროპის ყველა ქვეყნის საჰაერო გზა დაკეტილია და შესაბამისი მთავრობების გადაწყვეტილბებების გარეშე ვერ მოხდება საჰაერო ტრანზიტის დაშვებაც კი.
ძალიან, ძალიან დიდი შეცდომაა პოლიტიკური ღვარძლის ფრქვევა პოლიტიკურ ოპონენტებზე, რაც აზიანებს ჩვენს მოქალაქეებს.
გვაქვს დიდი შესაძლებლობა კონსტრუქციული მოლაპარაკებით და ადეკვატური მიდგომით ჩვენი მოქალაქეები სამშობლოში დაბრუნდნენ უფასოდ და რეალურად ერთი, დიდი სამაშველო ოპერაცია წარმატებით დაგვესრულებინა(!!).”- წერს ხატია დეკანოიძე სოციალურ ქსელში.
