“უარესი ჯერ კიდევ წინ არის“-ჯანმო–ს ხელმძღვანელი

ჯანდაცვის მსოფლიო ორგანიზაციის ხელმძღვანელი, ტედროს გებრეიესუსი აცხადებს, რომ პანდემიის დასრულება ჯერ შორს არის.

„ყველას გვსურს, რომ ეს დასრულდეს, მაგრამ მძიმე რეალობა ისაა, რომ ის დასრულებასთან ახლოსაც კი არ არის,“ -თქვა. ჯანმო-ს ხელმძღვანელმა.

მისი განცხადებით მსოფლიოში კიდევ ბევრი ადამიანი დაინფიცირდება, თუკი ქვეყნების მთავრობები სწორი პოლიტიკის განხორციელებას არ დაიწყებენ.

მისი აზრით ვირუსთან ბრძოლაში წარმატებას „გლობალური სოლიდარობის“ არარსებობა და „გაყოფილი მსოფლიო“ უშლის ხელს.

„გლობალური სოლიდარობის არარსებობა და გაყოფილი მსოფლიო ვირუსის გავრცელებას უწყობს ხელს. უარესი ჯერ კიდევ წინ არის. ძალიან ვწუხვარ, ამას რომ ვამბობ, მაგრამ ასეთ გარემოსა და პირობებში უარესის შიში გვაქვს,“ – აღნიშნა ტედროს ადჰანომ გებრეიესუსმა.

მან ქვეყნების მთავრობებს მოუწოდა გერმანიის, სამხრეთ კორეისა და იაპონიის მაგალითებს მიჰყვნენ, რომლებმაც ეპიდემიის შეჩერება სრულყოფილი ტესტირებითა და კონტაქტების კვლევით შეძლეს.

ამ დროისთვის  მსოფლიოში კორონავირუსით დაინფიცირებულთა რაოდენობამ 10 400 000–ს გადააჭარბა.  დაღუპულია500 000–ზე მეტი .