მსოფლიოში მილიონობით ადამიანი იძულებულია თვითიზოლაციას მიმართოს და სახლში გამოიკეტოს. ფოტოგრაფმა სტივენ ლავკინმა ბრუკლინში იზოლირებული ოჯახების, წყვილების და მარტოხელა ადამიანების ფოტოების სერია გადაიღო.
თავიდან მას აინტერესებდა ოჯახები, რომლებიც საკუთარი სახლის ზღურბლთან ისხდნენ, თუმცა შემდეგ გადაწყვიტა, რომ ჯობს ადამიანები ფანჯრების მიღმა გადაიღოს.
ლავკინმა თხოვა ყველას, ვინც ფოტოებისთვის შეარჩია გარე სამყაროსთვის საკუთარი სათქმელი ეთქვათ. პროექტი სულ ერთი კვირაა დაიწყო, მაგრამ სოციალურ ქსელებში უკვე მიიქცია ყურადღება. ლავკინი პროექტზე მუშაობის გაგრძელებას აპირებს.
“იმედი მაქვს ამ ქაოსისა და გაურკვევლობის პერიოდში ჩემი პროექტი დაეხმარება ადამიანებს გარე სამყაროსთან კავშირი იგრძნონ, მიუხედავად იმისა რომ ჩვენ ერთმანეთისგან სრულიად იზოლირებულები ვართ და არავინ იცის როდემდე გაგრძელდება ეს.“ – ამბობს ფოტოგრაფი.
ანა–ბეტ რუსაკისი ქალიშვილთან, მერი რუსაკისთან ერთად:“გაავრცელეთ სიკეთე და არა დაავადება. დარჩით სახლში.“
ცოლ–ქმარი კლარის ინსი და ანსილ მაკკეინი. წარწერა: “მარტოები ერთად“
პროფესორი და აქტივისტი კრისტინ ლოულერი “მანქანა შეიძლება გაჩერდეს“
რობერტ კლარკ უმცროსი: “მძიმე დრო წავა, ძლიერი ადამიანები დარჩებიან.“
კელი და ლუკას ლავკინები: “მალე ერთად ვიქნებით. დარჩით სახლში და გქონდეთ იმედი“.
ტომ სმიტი და ლორა როსი ქალიშვილებთან– კეროლაინთან, ელიზაბეტთან და ებიგეილთან ერთად: “თქვენ მარტო არ ხართ, თუ გიყვართ ის ადამიანები, ვისთან ერთადაც მარტო ხართ“.
აგნეტა და მეთიუ სეპტიმუსები შვილებთან, ერზასთან და ნორასთან ერთად წარწერით: “იმედი“.
მაიკ და დენიზ პერგოლები შვილებთან – ჰენრისთან, ჯეკთან და უილთან ერთად წარწერით: “ჩვენ ერთად ვიყავით. დანარჩენი აღარ მახსოვს.“
მხატვარი შირლი ფიურსტი წარწერით: “ხელოვნება გადაგვარჩენს!“
