ჩვენ დღეს ევროპის დღეს აღვნიშნავთ, ქართველები და ევროპელები ერთად, ვინაიდან ეს დღე არის როგორც ევროპისთვის და ევროპელებისთვის, ასევე, ქართველებისთვის. ქართველები ყოველთვის, ისტორიულად მივიჩნევდით ჩვენს თავს ევროპის ნაწილად, შესაბამისად, ჩვენი გაცხადებული მიზანია, რომ გავხდეთ ევროპული დიდი ოჯახის სრულფასოვანი წევრები. მე მჯერა, რომ ჩვენი ევროპელი მეგობრები, ევროპული სახელმწიფოები წელს მიიღებენ ერთადერთ სწორ პოლიტიკურ გადაწყვეტილებას და საქართველოს და ქართველ ხალხს მიანიჭებენ კანდიდატის სტატუსს, იმიტომ, რომ ჩვენი ქვეყანა და ჩვენი ხალხი და ჩვენი მთავრობა, ჩვენი ხელისუფლება იმსახურებს კანდიდატის სტატუსს.
