იერიშები, სავარაუდოდ, შეეხო იმ სტრუქტურებს, რომლებიც დიდი ხანია გამოიყენება ანტისამთავრობო პროტესტების ჩასახშობად და საზოგადოებრივი უკმაყოფილების კონტროლისთვის.
მანამდე ისრაელმა განაცხადა, რომ თეირანში საჰაერო იერიშის დროს მოკლეს “ბასიჯის” დანაყოფის მეთაური, ღოლამრეზა სოლეიმანი, რომელიც თანამდებობას ექვსი წელი იკავებდა. სოლეიმანთან ერთად მოკლულები არიან მისი მოადგილე და სხვა მაღალჩინოსნებიც.
“ბასიჯის ძალები ირანის ტერორისტული რეჟიმის შეიარაღებული ძალების შემადგენელი ნაწილი არიან. ირანში შიდა საპროტესტო აქციებისას და, კონკრეტულად, ბოლო პერიოდში მათი ესკალაციის დროს ბასიჯის ძალები, სოლეიმანის მეთაურობის ქვეშ, უძღვებოდნენ მთავარ დარბევით ოპერაციებს, მათ შორის, სასტიკ ძალადობას, მასშტაბურ დაკავებებსა და მშვიდობიანი დემონსტრანტების წინააღმდეგ ძალის გამოყენებას.” – აცხადებს ისრაელი თავდაცვის ძალები (IDF).
ერთ-ერთ ყველაზე მნიშვნელოვანი შეტევისას დაზიანდა ბასიჯის დამხმარე დანაყოფის სარემონტო და ტექნიკური მომსახურების ცენტრი, სადაც ასობით ავტომობილი და მოტოციკლი ინახებოდა. აღნიშნული ტრანსპორტი გამოიყენებოდა ქუჩის ოპერაციებსა და უბნებში პატრულირებისთვის. პირველადი ინფორმაციით, ტექნიკის დიდი ნაწილი განადგურებულია.