აზოვის პოლკი უარყოფს ალექსეი არესტოვიჩის განცხადებას, რომ აზოვსტალის მცველებმა მოიგერიეს ოკუპანტები, რომლებიც ქარხნის ტერიტორიაზე იმყოფებოდნენ.
აზოვის პოლკის მეთაურის მოადგილის, სვიატოსლავ პალამარის განმარტებით, რუსი სამხედროები კვლავ “აზოვსტალის” ტერიტორიაზე არიან.
“კიდევ ერთხელ: არ განგვიდევნია, ისინი [რუსი სამხედროები]ქარხანაში არიან. მძიმე ბრძოლები მიმდინარეობს”, – თქვა პალამარმა.
მანვე მიმართა უკრაინის პრეზიდენტ ვოლოდიმირ ზელენსკის დაჭრილ ჯარისკაცებზე ზრუნვის თხოვნით.
შეგახსენებთ, 3 მაისს რუსმა დამპყრობლებმა მარიუპოლში აზოვსტალის მეტალურგიულ ქარხანაზე იერიში მიიტანეს, სადაც ჯერ კიდევ იმყოფებიან მშვიდობიანი მოქალაქეები და უკრაინელი ჯარისკაცები. 4 მაისს რუსები ქარხნის ტერიტორიაზე შეიჭრნენ.
