მთავარი არხის გენერალური დირექტორი ნიკა გვარამია უკრაინული გამოცემის მიერ გავრცელებულ აუდიოჩანაწერს ეხმიანება, რომელშიც , სავარაუდოდ, მიხეილ სააკაშვილი და ზურაბ ადეიშვილი გიორგი გაბუნიას საქმეზე საუბრობენ.
გვარამიას თქმით, აუდიოჩანაწერი სიტყვა-სიტყვა აწყობილი და დამონტაჟებულია, ასევე ის არის არაკანონერი და არაავთენტურია.
“მე ვისმინე ეს ფარული ჩანაწერი, მე არ ვიცი რა ჩავაფლავე, ერთადერთი შემიძლია გითხრათ, რომ ეს არ არის ჩემთვის ვალიდური წყარო, რომელსაც დაავეყრდნობოდი. აკინძულია სიტყვა-სიტყვით ეს ჩანაწერი, თუმცა რაღაცები იქ იკითხება ამ თემასთან დაკავშირებით, ჯერ ერთი კანონიერი არ არის და ავთენტური დანამდვილებით არ არის, ეს როგორც პროფესიონალმა შემიძლია გითხრათ”,- ამბობს ნიკა გვარამია.
მისივე თქმით, არ არსებობს უფრო აღმატებული მიზანი მისთვის, ვიდრე ადამიანის, მითუმეტეს მისი თანამშრომლისა და მეგობრის სიცოცხლის დაცვა.
ცნობისთვის, უკრაინულმა საიტმა გამოაქვეყნა ფარული აუდიოჩანაწერი, რომელშიც სავარაუდოდ მიხეილ სააკაშვილი და ზურაბ ადეიშვილი გიორგი გაბუნიას შესაძლო ლიკვიდაციის საქმეზე საუბრობენ და უკმაყოფილებას გამოხატავენ იმის გამო, რომ ნიკა გვარამაიამ გაბუნიას შესაძლო ლიკვიდაციის შესახებ ინფორმაცია გაასაჯაროვა.
აუდიოჩანაწერს მითითებული აქვს უკრაინული სუბტიტრები. დადასტურებული არ არის მისი ავთენტურობა. ასევე, უცნობია, როგორ მოიპოვა ან რა მიზნით გაავრცელა ჩანაწერი უკრაინულმა გამოცემამ.
გიორგი გაბუნიას თქმით, ამ ჩანაწერზე ინფორმაცია არ აქვს და კომენტარს ვერ გააკეთებს. ჩანაწერს არ გამოხმაურებია არც მიხეილ სააკაშვილი და ზურაბ ადეიშვილი.
