“მეუფე პეტრე ჩვენ გავზარდეთ, როგორც საკუთარი შვილი…ის კვლავ განიკურნება “- 15 თებერვალს, მირქმის დღესასწაულზე საქართველოს პატრიარქმა, ილია მეორემ მრევლს ქადაგებით მიმართა. მან ყოფილი ჭყონდიდელი მიტროპოლიტი, მეუფე პეტრე “უძღებ შვილს” შეადარა და აღნიშნა, რომ ის გაზარდეს, როგორც შვილი.
“თქვენ იცით, რომ ამ ბოლო დღეებში დიდი განსაცდელი იყო ეკლესიაში, მაგრამ უნდა გვახსოვდეს, რომ როცა განსაცდელი ეძლევა ადამიანს, ძალაც ეძლევა, მადლიც ეძლევა. მეუფე პეტრე ჩვენ გავზარდეთ, როგორც საკუთარი შვილი, მაგრამ მოხდა განსაცდელი. ჩვენ უნდა ვიცოდეთ, რომ არავითარი ცოდვა არ აღემატება ღვთის წყალოობას. სინანული და აღსარება კურნავს ადამიანს და ჩვენ დარწმუნებული ვართ, რომ სინანული დაისადგურებს ჩვენს გულებში, ჩვენს გონებაში და მეუფე პეტრე კვლავ განიკურნება. უძღლები შვილი დაბრუნდება, უძღები შვილის მამა გადიოდა გზაზე და ელოდებოდა თავის შვილს, ასევე ველოდებით ჩვენც შეცდომილ შვილებს”, – თქვა ილია მეორემ.
