11 სექტემბრის ტერორისტული თავდასხმიდან 20 წელი გავიდა. საქართველოს პრეზიდენტი, სალომე ზურაბიშვილი განცხადებას სოციალურ ქსელებში ავრცელებს.
”20 წლის წინ, მსოფლიო შეძრა 11 სექტემბრის ტრაგედიამ. 20 წლის წინ, საერთაშორისო საზოგადოება ერთად დადგა მსოფლიო უსაფრთხოების დასაცავად, რაშიც საქართველო განაგრძობს თავისი წვლილის შეტანას. ამ თანამედროვეობის ბოროტებაზე გლობალური პასუხი სოლიდარობა იყო. ეს არის გაკვეთილი, რომელიც ჩვენ არასდროს უნდა დავივიწყოთ!”-წერს პრეზიდენტი.
