დეკანოზი ილია კარკაძე სახალხლო დამცველის მიერ “სამშობლოთმცოდნეობის გაკვეთილების” შესახებ გაკეთებულ კომენტარს ეხმიანება და მას “ეშმაკთა დამცველს უწოდებს”.
“გადახედეთ თქვენ დღევანდელ ამა თუ იმ წარმომადგენელთა, აი, როგორც სახალხო დამცველი გამოდის […] სახალხო დამცველი კი არა, ეშმაკთა დამცველი ჰქვია მაგ საცოდავს, და ის კარგი ღონისძიებები, რომლებიც წამოწია ჩოხოსანთა… აი, წარმომადგენელი გვყავს ერთი უსაყვარლესი ადამიანი, ღმერთმა დაუნახა, მე ცალკე არ მინდა კიდევ ერთპიროვნულად, იმიტო რომ.. საპატრიარქოს ჩვენი უწმინდესის კურთხევით, ჩვენი მეუფეს იოანეს ძალიან დიდი დამსახურებით, იმიტომ რომ მისი ძალიან დიდი წვლილია ამ ადამიანებთან და ის, რომ დღეს ბავშვები, რომლებიც მიჯაჭვული არიან სახლში ინტერნეტს და ესეთი კარგი ჩართულობა მოხდა, გაცოფდა ეშმაკი, გაგიკვირდება, კაცო და ეს გამოდის და თურმე ჩვენ დემოკრატიას ვებრძვით, ეს საცოდავი.
ამიტომაცაა, ჩემო ხალხო, რომ ეს არასწორი გამოფრქვევა, ეს არასწორი გამოფრქვევა ამ სატანისტების, რომლებიც მოქმედებს ჩვენს ერზე და ერთმა ღორმა ასი ღორი გასვარა. წარმოიდგინეთ თუ ერთმა ღორმა ასი ღორი. ღორი შეიძლება, ღორი არ გააკეთებს, ღორს თავის ღორი უყვარს და შენ ადამიანს ადამიანი არ გიყვარს. ამას რა უნდა უწოდო. აი, ესეთი კარგ გადაცემას აკეთებს ადამიანი, ვის რაში უშლის ხელს. არ გინდა, ნუ ჩაერთვები. ეს ხო არ არის, დავუშვათ, რომ ვინმე დააბარო, რომ სკოლაში არ შეიძლება რაღაც… კარგი, მაგრამ აქ ხო ეს ჩართვა… მაგრამ ეს რატოა იცი? სწორი გამოყენება ინტერნეტის.. ამაზე სულელდება ეშმაკი. ამიტომ არის, რომ ასეთი საზოგადოება, ასეთი აზროვნებაა, რომელიც ამ ვირუსებს ამ ბოროტებას… ცოდვა ავრცელებს ვირუსს…”,– ამბობს დეკანოზი.
“სამშობლოთმცოდნეობის” გაკვეთილები, საპატრიარქოსა და ჩოხოსანთა საზოგადოების ორგანიზებით, 4-5 წელია რაც რუსთავსა და თბილისში ტარდება. პანდემიის პირობებში გაკვეთილები ონლაინ რეჟიმში მიმდინარეობს, ხოლო საგანს უძღვება მისივე ავტორი, “სტუდია გუთნის“ დამაარსებელი ლექსო გელაშვილი, რომლის მიერ მედია საშუალებებისთვის მიწოდებული ინფორმაციით, გაკვეთილების ორგანიზებასა და მოსწავლეების მობილიზებაში სკოლის პედაგოგები არიან ჩართულნი.
სახალხლო დამცველის შეფასებით, გაკვეთილები დატვირთულია დისკრიმინაციული შეხედულებებით და რელიგიური ინდოქტრინაციისა და პროზელიტიზმის გამოვლინებად შეიძლება ჩაითვალოს.
