დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ რუსული მხარის მოთხოვნასთან დაკავშირებით, დაუშვან რუსი ექსპერტები ლუგარის ცენტრის შესამოწმებლად, დღევანდელ პრესკონფერენციაზე კიდევ ერთი კომენტარი გააკეთა. ამირან გამყრელიძემ გუშინ თქვა, რომ ლუგარის ცენტრის შესამოწმებლად რუსული მხარე მხოლოდ საერთაშორისო ექსპერტების ვიზიტის ფარგლებში დაიშვება. ამის საპასუხოდ კი რუსული მხარე, საგარეო უწყება და დეპუტატი ონიშენკო ითხოვენ მხოლოდ რუსი ექსპერტების დაშვებას ყველა დონეზე, რომ შემოწმდეს ლაბორატორია. ონიშენკო იმასაც ამბობს, რომ ექსპერტების გარდა სამხედროებიც უნდა დაუშვან. ამ კითხვაზე ამირან გამყრელიძე აცხადებს:
“ბატონო გენადი, ონიშენკოს ვიცნობ ძალიან კარგად. როცა მე დიდი ხნის წინ სამინისტროში ვმუშაობდი მაღალ პოზიციებზე, ონიშენკო იყო რუსეთის მინისტრის პირველი მოადგილე. ბევრჯერ შევხვედრივართ ერთმანეთს.ხომ ძალიან კარგად ვიცნობთ ერთმანეთს არა, ძალიან კარგად ვიცი რომ ამას გალაპარაკებენ შენით ხომ არ ლაპარაკობ ამას. გეუბნებიან, გავალებენ რომ ეს თქვიო, ხო? მოვეშვათ რა, სამჯერ დაგპატიჟეთ , პირდაპირ გითხარით ბატონო გენადი, ვიცი, რომ ქართველები გიყვარს, ქარული ღვინო მოგწონს. კარგად იცით რითიც ვართ დაკავებული ამ ლუგარის ცენტრში, მაგრამ მარტო ჩვენ – მოეშვით ამ ველიკაძერჟავულ ჩვევებს ისევ. მარტო თქვენ ვერ ჩამოხვალთ, ჩამოხვალთ თუ გნებავთ საერთაშორისო მისიებთან ერთად, გერმანელებთან, ბრიტანელებთან,ფრანგებთან, შვეიცარელებთან ერთად, რომლებიც ახლა მედიატორები არიან ჩვენ ორს შორის, და ეს მოწვევაც გამოგზავნილი გვაქვს. ჩამობრძანდით მათთან ერთად და ნახეთ. სამხედროები რაში გჭირდებათ ვერ გავიგვე, მაგრამ თუ სამხედრო ექიმები გინდათ, კი ბატონო, არც ეგ არის პრობლემა. “– ამბობს გამყრელიძე.
ამავე თემაზე:
რუსეთის საგარეო უწყება ლუგარის ლაბორატორიის ყველა კორპუსსა და დოკუმენტზე წვდომას ითხოვს
თეთრი შური ხომ იცით რა არის? – გამყრელიძე რუსეთის მიერ ლუგარში შესვლის მოთხოვნაზე
