“იმედია თბილისელები მხარს დაუჭერენ სიკეთისა და კეთილდღეობის ელჩებს“–კალაძემ თბილისის საკრებულოს მაჟორიტარობის კანდიდატები წარადგინა

“ქართულმა ოცნებამ” თბილისის საკრებულოს მაჟორიტარი დეპუტატობის კანდიდატები წარადგინა.

მაჟორიტარების კანდიდატები პარტიის თბილისის მერობის კანდიდატმა კახა კალაძემ დაასახელა.

კალაძის თქმით, თბილისს სჭირდება მყარი უმრავლესობა საკრებულოში. შესაბამისად, კანდიდატების მიმართ მხარდაჭერა სასიცოცხლოდ მნიშვნელოვანია.

თბილისის საკრებულოს მაჟორიტარი დეპუტატობის კანდიდატები არიან:

ვაკე – გიორგი ტყემალაძე

მთაწმინდა – ზურაბ ა­ბაშიძე

სამგორი – რევაზ სოხაძე

ისანი – კახა ლაბუჩიძე

კრწანისი – ლევან ჯაფარიძე

ნაძალადევი – ირაკლი ხელაძე

გლდანი – კონსტანტინე ზარნაძე

დიდუბე – გივი ჩხარტიშვილი

საბურთალო – ავთანდილ ცინცაძე

ჩუღურეთი – ზურაბ ჩიკვილაძე

კახა კალაძის თქმით, „ქართული ოცნება“ აუცილებლად გაიმარჯვებს და იზრუნებს იმ მიზნის განხორციელებაზე, რომელიც მეტ სიცოცხლეს შესძენს თბილისის ყველა უბანს.

“ერთად აუცილებლად გავიმარჯვებთ და რაც მთავარია, გავიმარჯვებთ უკეთესი თბილისისთვის, მეტი სიცოცხლე ყველა უბანში”, – განაცხადა კახა კალაძემ .