ირანი, უკრაინაში რუსეთის მიერ ჩატარებულ “რეფერენდუმებს” არ აღიარებს. ამის შესახებ, ირანის საგარეო საქმეთა სამინისტროში აცხადებენ. საგარეო საქმეთა სამინისტროს წარმომადგენელმა, ნასერ ქანაანმა ასევე განაცხადა, რომ ირანი ეწინააღმდეგება „პროვოკაციულ ქმედებას, რამაც შეიძლება ხელი შეუშალოს მშვიდობას, სტაბილურობასა და სიმშვიდეს“.
- „ირანის ისლამური რესპუბლიკა, როგორც ყოველთვის, თავისი პრინციპული პოზიციების შესაბამისად, ხაზს უსვამს ყველა სახელმწიფოს სუვერენიტეტისა და ტერიტორიული მთლიანობის პრინციპის სრულ პატივისცემას, როგორც საერთაშორისო სამართლის ძირითად ნორმას და გაეროს წესდების პრინციპებისა და მიზნების პატივისცემას.” – განაცხადა, ირანის საგარეო საქმეთა სამინისტროს წარმომადგენელმა, ნასერ ქანაანმა.
