SpaceX-მა და NASA-მ დღეს ისტორიაში პირველად გაუშვეს კოსმოსში კერძო კომპანიის ხომალდი Crew Dragon. ხომალდის აფრენა ნასას ფეისბუკგვერდზე პირდაპირ ეთერში გავიდა. ხომალდში ორი ასტრონავტი ბობ ბენკენი და დუგ ჰარლი სხედან. გაფრენა წარმატებით განხორციელდა.
ეს არის პირველი შემთხვევა, როდესაც საერთაშორისო კოსმოსურ სადგურზე ასტრონავტები კერძო კომპანიის მიერ შექმნილი რაკეტით გაემგზავრნენ. 2011 წლის შემდეგ აშშ-ის მიწიდან ასტრონავტები პირველად გაუშვეს.
პროექტი 3 მილიარდ დოლარზე მეტი დაჯდა და ეკიპაჟი ორი წლის წინ შეარჩიეს. 2011 წლის შემდეგ აშშ-ს მსგავსი ფრენა არ განუხორციელებია და იძულებული იყო ასტრონავტების კოსმოსში გასაყვანად უზარმაზარი თანხა რუსეთისთვის გადაეხადა.
ხომალდის სტარტს პრეზიდენტი ტრამპი და სხვა ოფიციალური პირები ესწრებოდნენ. ნასაში ცხადებენ, რომ ქრუ-დრაგონის გაშვებით, ქვეყნის კოსმოსური ინდუსტრიის ისტორიაში ახალი ერა იწყება.
