კურდღლები ხართ – გახარია ოპოზიციას

პრემიერ–მინისტრის პარლამენტში 20 ივნისსზე საუბარს სიტყვიერი დაპირისპირება მოჰყვა. გახარიამ საპარლამენტო ოპოზიციას “კურდღლები” უწოდა.

“ქალბატონი სამადაშვილი მემუქრებოდა, ეხლაო გაიქეცი აქედანო, თორემ ის ხალხი, გარეთ რომ არის, შემოვარდებაო და გაგაგდებენ აქედანო. სიტყვა–სიტყვით, ამის ჩანაწერები არსებობს. სიმართლე ერთია, აქცია, რომელიც სამართლიანად დაიწყეს მოქალაქეებმა გავრილოვის ამ სავარძელსი ჯდომის დროს, სადღაც 9 საათზე, აი , ეს თქვენი ფრთა პარლამენტისთვის საერთოდ უცხო ადამიანებით იყო სავსე.

კითხვას რატომ არ უსვამთ ერთმანეთს, ეს ხალხი აქ როგორ შემოვიდა?! რა უნდოდა ამ ხალხს, მიზანი რა ჰქონდა. შსს მინისტრი მაშინ მოვედი იმისთვის, რომ თქვენ დეპუტატატები დამეცავით, რომ გარედან ხალხი რომ არ შემოვარდნილიყო, რომელიც თავს ესხმოდა პოლიციას. პოლიციელებს ბრბოში იტაცებდნენ და ურტყამდნენ”,– თქვა გახარიამ დეპუტატების კითხვებზე პასუხად.

ამ პასუხს ევროპული საქართველოს და ენმ–ს დეპუტატების რეპლიკები მოჰყვა, რომელსაც გახარიამ უპასუხა: “დედა, რა მაგარი ხარ… მაგარი კი არა, კურდღლები ხართ, კურდღლები ხართ რატომ იცით? ამ შეხვედრისთვის რომ ემზადებოდით და იქ რაღაც ჯგუფური “ბრეინშტორმინგები მოაწყვეთ. ბიჭოო…”